top of page

Māe'a fa'atalanoaga mo avanoa o le Komesina o Faigāpalota.

Tesema 5, 2022.


Nonu Lemauga Va'ai (Ta'ita'ifono ole Komisi o Galuega)

Ua ‘atoa nei le tausaga talu ona fa'amāvae lē sa ‘avea ma Komesina o Faigāpalota ma avanoa ai lenei tofiga maualuga i le Atunuu.

O le masina o Tesema o le tausaga 2021 na tu'uina atu ai le fa'amavaega tusitusia a le afioga ia Faimālōmatumua Mathew Lemisio i le Minisitā o Faigapālota le afioga ia Faualo Lefau Harry Schuster.

I lenā lava taimi, ma fa'asolo mai ai i isi faigapalota lāiti na fa'apēnā loa ona tau'aveina mai ai e le Lōia Sili a le Mālō le va'aia lea o le Ofisa o Faigapālota.

I lenei aso, Aso Gafua 5 o Tesema 2022 na tali mai ai le afioga i le Ta'ita'ifono O le Komisi o Galuega a le Mālō ia Nonu Lemauga Va'ai ina ua fesiligia e le BluTV.

Ua fa'ailoa e Nonu, o lea ua mae'a ona faia fa'atalanoaga mo le avanoa o le Komesina o Faigapalota ma ua tālia nei se ripoti mai i le Komiti(panels) na fa'atautaia le fa'atalanoa mo se fa'amaoniga a le Komisi 'ona tu'uina atu lea o le Lipoti i le Kapeneta mo se fa'ai'uga aloa'ia o lenei tōfiga.

O se tasi o avanoa ma tōfiga na fa'ailoa e Nonu o lea ua mae'a le fa'atalanoa ma o lo'o tālia foi le lipoti; o le Matāgaluega o Fa'amasinoga a Samoa.

O le vaiaso na tuana'i na fa'amaonia mai ai e le Kapeneta ni isi o tōfiga fou mo le Matāgaluega a le Soifua Mālōlōina ma le Matāgaluega o A'oga, Ta'aloga ma Aganu'u.


3,255 views

Σχόλια


bottom of page