top of page

2 i le 3 afa e ono afea Samoa mai ia Novema i le masina o Aperila.



Ua fa'ata'oto mai e le Ofisa o le Tau a Samoa, le aotelega ma le lipoti va'ai mamao i le fa'ai'uga o lenei tausaga 2023 fa'asolo atu i le tausaga fou 2024.


O le lipoti va'ai mamao o afa ua fa'ailoa ai, e ono iai le avanoa e a'afia ai Samoa i ni afa e 2 i le 3 i le amata atu i le masina lenei o Novema i le masina o Aperila i le tausaga fou 2024.


O le Aso 31 o Oketopa lea na fa'alauiloa ai lenei lipoti ma o fa'apea mai, e 2 i le 3 ni afa e ono sopoia tua'oi o le vasa pasefika ma fa'asolo mai i le tusa o le 400km le mamao ma Samoa.


O se tasi o nei afa, e ono o'o atu lona malosi i le la'asaga 3 pe sili atu fo'i ma i le va'ai mamao e ono fa'atupu teleina lona malosi nai lo'o isi afa sa iai muamua i Samoa i tausaga ua mavae.


O le lipoti fa'amaumau a le Ofisa o Va'ai Tau a Samoa i Mulinu'u, ua fa'amauina ai le fa'asolo ina umi o le piriota mo afa; lea e amata atu i le masina lenei o Novema i le masina o Aperila o le tausaga fou 2024.

.

Ua aumai ai fo'i ma fautuaga a le Ofisa o le tau, mo le atunu'u i tapenaga mo nei aso leaga ma louloua o le 'a iai Samoa, aemaise ai o le saogalemu.

2,359 views

コメント


bottom of page