top of page

5 tausaga o lafi pea Pati Chong Nee.

Ua atoa nei le 5 tausaga o fai lava tuliga a leoleo ma le pagotā o Pati Chong Nee, lea na sola ese ma le falepuipui ia Ianuari o le tausaga e 2019.


O Pati o le tasi o Pagota na lokaina ona o le gaoi ma le talepe fale, na sola ese mai ma le falepuipui i le tausaga e 2019 faatasi ai ma le tasi o alii pagota o Aniseto Vaelei.


O le vaaiga mulimuli i le nei alii, o le tausaga lava lea ia Fepuari ina ua maua e mea pueata a le faleoloa a tagata Saina i Moamoa ao faatino se la osofaiga ma le tasi o pagotā, i tua atu o le Osofaiga lena, sa o laua osofai ai le faleoloa a le One on One i Vailoa ma faaoolima ai i le pule o le pisinisi.


I tausaga e 4 ua tuanai, sa tele ina faailoa e le atunuu nofoaga e vaaia ai le tino o Pati ma logoina leoleo ae peitai e lei mafai lava ona pueina ma maua.


O le sailiga o Pati Chong Nee, o loo faaauauina pea ma o se tasi o mataupu ua savali i le lima tausaga e lei maua se tala poo fea ua agai iai lenei alii pagota.


3,138 views
bottom of page