top of page

60 ma le 12 tausaga ua na’o ni nūmera: Toa Game 2022.

24 Oketopa 2022


Ua taulauga le tauvaga o le Toa Game o le tausaga lenei 2022, e pei ona iai aso e lua o le vaiaso ua tuana'i.


O le Aso Faraile 21 Oketopa sa tatalaina ai lenei tauvaga fa'avaomālō i Sāmoa lea na tu'ufa'atasia e le faletoleni 'a le Fatutoa Crossfit i Vaitele.

O le Aso Faraile 21 Oketopa na faia ai i le malae ta'alo a le Apia Park 'ae taualuga ai i le Aso To'ona'i i le fale toleni a le Crossfit Fatutoa i Vaitele.

E 27 'au na tausinio i lea fa'amoemoe, e 24 'au i Samoa Tuto'atasi ma le 3 'au na malaga mai i Amerika Samoa.

O se fa'amoemoe e faia i tausaga ta'itasi e fa'amanatu ai le aso fanau o le faletoleni a le Crossfit i Vaitele, ma o le tausaga lenei ua atoa iai le 7 o tausaga talu ona fa'avaeina ma fa'atu lenei faletoleni i Vaitele.

I lenei tausaga o se tulaga mata'utia ma ofoofogia le maitauina lea o ni isi o sui na tauva ma ta'a'alo ilea ta'aloga.

Luaao, 60 tausaga-Funkfit Amerika Samoa.

O le tina matua ia Luaao mai i le 'au a Amerika Samoa le Funkfit e 60 tausaga o lona soifua, ina ua talanoa atu ai le BluTV i le tina ia Luaao o se faaosofiaga ua fa'aosofia ai lava o ia ina ia ta'aalo ma tauva lenei ta'aloga ae ua le ma fa'atusalia i lona matua.


Peita'i na ia fa'ailoa, o se fa'amanuiaga lea ia te ia ona o le mafai lava ona maua ole malosi e auai ai i lenei ta'aloga; o lona lava talitonuga o se tulaga taua lea i lona soifua maloloina aua o le ta'aloga e mana'omi ai le malosi o le tino 'aemaise o le paleni ma le fuafuatatauina lea ole mea'ai e taumafa ai.

O le tina ia Luaao, sa maitauina le finau o lana fo'i ta'alo i le tauvaga lenei ale Toa i lenei tausaga 2022.


O Luaa e to'alua ona alo ma fanau a fanau e to'atasi, o se tina tausi soifua ma 'ua tolu ai i nei ta'aloga Crossfit ua ta'alo ai e pei ona amata ata'alo ai i Amerika Samoa i le tausaga e 2019.

Jamina Fong, 12 tausaga Buns and Guns (Fatutoa Crossfit)

O Jasmine e ta'alo i le 'au o le Buns and Guns lea sa o'o fo'i i luga ile sa'iliga siamupini. Na amata toleni Jasmina i le crossfit i le amataga o le tausaga lenei 2022 ae ua fa'amauina o lana taaloga muamua lenei o le TOA.

O Mina ose tasi o tama'ita'i talavou ua avea nei ma fa'aosofiaga i fanau talavou i Samoa, e pei ona ia ta'ua o lana ta'aloga lenei e lona lua i lana lisi o ta'aloga e fiafia iai ae ole ta'aloga o le lakapi pa'i(touch rugby) le isi ta'aloga na muamua ona ta'alo ai.

O le fautuaga a Jasmina,"Ia fai se mea o lo'o e fiafia iai ma ia aua nei fiu e tuli lau miti".

I le tausaga e 2019 ina ua tapunipuni le tele o fa'amoemoe ona ole a'afiaga ole fa'ama'i ole Koviti 19, sa le mafai ai loa i lena lava taimi ona fa'ataunu'uina lenei tauvaga se'ia o'o mai ile taimi lenei 2022 lea ua toe tatala ai tua'oi fa'avaomalo ma olea ua mafai ai loa ona toe fa'aauau ina le Toa Games.

O se tasi o faamoemoe maualuga o lenei ta'aloga ina ia tatala avanoa mo so'o se isi tusa lava po'o lea lava le tausaga ole soifua 'ae ole fa'amoemoe 'ina ia mafai pea ona fa'aau le ola maloloina male soifua manuia e ala lea ile fa'amalositino male fuafuatatauina ole taumafataga.

E lua vaega sa vaevaeina ai le ta'aloga lenei, ole vaega tau amata ua fa'aigoina ole SCALED ma le vaega ua i le tulaga maualuga e fa'aigoa ole RX.

I le tu'ufa'atasiga o togi, na manumalo ai le 'au a le Underdogs i le vaega o le SCALED ae siamupini le 'au 'a le Black Mamba Alpha i le vaega o le RX.

O le fa'ai'uga lenei o ta'aloga a le Toa Game i le tausaga 2022.

Final RESULTS

RX Division OVERALL

1st Place - Team Black Mamba Alpha (CF Fatutoa)

2nd Place - Team Small Fish (MyFit Gym)

3rd Place - Team Ultra (Funkfit American Samoa)


Event Winners

Event 1 - Team Manutau (Joe's Gym)

Event 2 - Team Small Fish (My Fit Gym)

Event 3 - Team Ultra (Funkfit American Samoa)

Event 4 - Hakuna Masquata Fire (CF Fatutoa)

Event 5 - Team Masquata Fire (CF Fatutoa)

Scaled Division OVERALL

1st Place - Underdogs (CF Fatutoa)

2nd Place - Team Hustle and Muscle (JPs Gym)

3rd Place - Team Kilogainz (MyFit Gym)


Event Winners

Event 1 - Team Buns and Guns (CF Fatutoa)

Event 2 - Team Underdogs (CF Fatutoa)

Event 3 - Team Funkfit (American Samoa)

Event 4 - Team Underdogs (CF Fatutoa)

Event 5 - Team Funkfit (American Samoa)

PC: Facebook (CF Fatutoa)


292 views

Comments


bottom of page