65 ali'i ma tama'ita'i leoleo ua fa'atautoina.

30 Novema 2022.

A'o lumana'i ai le aso Faraile 2 o Novema 2022 o le'a aloa'ia ai le 'avea o ni isi o alo ma fanau a Samoa ua latou filifilia le galuega fa'aleoleo e galulue ai, 'ae ua mae'a nei ona faia se fa'atautoga i luma o le tama'ita'i fa'amasino sinia o le Fa'amasinoga fa'aitumalo ia Talasa Atoa Sa'aga.

O lenei ta'utinoga ua faia ai le ta'utinoga o le'a latou galulue fa'amaoni e aunoa ma se fa'a itu 'au; 43 ali'i ma tama'ita'i leoleo, e 22 ali'i ofisa o le'a galulue i le falepuipui.

E silia ma le fa masina na feagai ai nei fanau ma a'oa'oga i le avea ai ma leoleo.

I le feiloa'iga a le 'au tusitala ma le sui Komesina a le Matagaluega o Leoleo ia Papali'i Monalisa Keti; na fa'ailoa ai le le lava ai o leoleo i le taimi lenei ona o le to'atele na fa'amavae ma aga'i atu i galuega fa'avaitaimi.

A'o tapena ai fo'i Samoa i nisi o ana taligamalo i le tausaga fou, o se tasi lenei o taula'i a le tatou malo ina ia mafai ona lava ali'i ma tama'ita'i leoleo e fa'atinoina galuega aua le puipuiga o Samoa.