top of page

Amatalia suega a le malo mo kolisi uma o le atunu’u.


Tusia: Demetrius Ah Mau.


O le lua vaiaso talu ai sa fa’agasolo uma ai suega a kolisi ta’itasi ma a'oga tulaga lua uma i totonu o le atunu’u, o su'ega lava ia mo le sa'ilia ai o tulaga o alo ma fanau o lo’o ao'oga i le tausaga atoa i totonu o vasega ta’itasi.


E aofia ai vasega uma mai lava i le vasega 1 seia o’o i le vasega 8, ae o kolisi maualuluga e amata mai i le vasega 9 aga’i i le vasega fa’au’u po’o le vasega 13.


O le aso ananafi na amata fa’agasolo ai su'ega a le malo po’o suega o le National Secondary Examination, ma o lenei su'ega fa’aletausaga o lo’o fa’afoe mai e le Matagaluega o A'oga ma Aganu’u. E le'o aofia uma vasega i le suega a le malo ua na’o le vasega 10, 12 ma le 13 o kolisi ta’itasi o Samoa.


Ua maioio lelei vasega ma a latou su'ega i tulaga o mataupu e tatau ona su'e ma au'ili'ili ai vasega o lo'o saofa'ia nei su'ega. O le su'ega a le Samoa National Junior Secondary Certificate(SNJSC) o le ‘a su’e ai le vasega 10 o kolisi uma o Samoa, o le suega a le Samoa Secondary Certificate o le ‘a su’e ai le vasega 12 ae o le Samoa Senior Level Certificate o le ‘a su'e ai le vasega 13.


Ua maea fo’i ona fai tofiga o faia'oga mai isi kolisi e feagai ma le va'aia(Supervising) o su'ega a le fanau.


O le fa’amoemoe atoa o nei su'ega o le mafai ai ona auiliili ma taula’i le vaai a le matagaluega i le tulaga o lo’o iai a’oa’oga i totonu o a'oga.


E saili ai fo’i le tulaga o le a’oa’oina o fanau aoga e faiaoga. O le sailia ai fo’i o togi po’o maka a fanau o lo’o i le vasega 13 su’e ai o latou avanoa i luga Iunivesite, ae le gata i lea o le vasega 12 e sa'ili ai avanoa mo le tausaga 13.

Comments


bottom of page