top of page

Auai atu le au fili a Samoa mo tama’ita’i i lalo o le 15 tausaga le matutua mo le ta’amilosaga o lo’o faia i Fiti.


Photo Supplied: Football Federation Samoa


O le aso 6 o le masina lenei o Me sa amata fa’agasolo ma tatala aloaia ai le ta’amilosaga soka mo tama’ita’i e i lalo ole 15 tausaga le matutua lea o lo’o auai atu ai le au a le atunu’u sa faimalaga atu mo Fiti i le Aso Sa ua mavae aso 5 o le masina lenei o Me 2024.


E tusa ma se fa’asilasilaga mai i le asosi Soka a Samoa o lenei au fili sa mafai ona tu’u fa’atasia i se filifiliga mai i kalapu eseese i totonu o Samoa lava ia e pei ona iai ta’amilosaga soka sa fa’agasolo mai i le amataga o le tausaga seia o’o mai i le taimi nei. O i latou ua filifilia e i lalo o le 15 tausaga le matutua lea o le a fai ma ave fu’a e le gata mo le Asosi soka a Samoa ae o le tauaveina o le igoa o le atunu’u mo ia ta’amilosaga.


O le manulauti ma le fa’amoemoega o lenei ta’amilosa ia maea ane ua tele le tomai o fanau i le fa’atinoina o le ta’aloga soka e le gata la i totonu o le malae ae mo le taimi e malaga ai i so’o se atunu’u e fa’atinoina ai ta’amilosaga, e le gata i lea o laufali mo le toe fa’alauaiteleina o le tomai fa’alaufali aua le fa’afoeina o ta’aloga i so’o se malae ma so’o se atunu’u e fa’atinoina ai.


E tasi le vaiaso ma aso e lua le umi o lo’o faga’asolo ai lenei ta’amilosaga i Fiti sa amata mai i le aso 6 ma o le a fa’amaea ma tapunia aloaia i le aso 14 o le masina lenei o Me 2024.


53 views

Comments


bottom of page