top of page

Avanoa mulimuli mo le Manu Samoa e sa'ili ai lona avanoa mo le la'asaga o le pa'ū ma nofo.


Chris Vui-Kapeteni.


O lo'o iai nei le Manu Samoa i le ogasami o matematega, ona o lana ta'aloga mulimuli lava lea o le 'a iai le fa'aiuga o le vaiaso i Toulouse Farani.


Aua afai ae fa'aia'ina ia Iapani, o lona uiga e toe ta'ai fala ma toe fo'i mai i fanua.


E fa(4) ni suiga a le 'au Manu Samoa mo lana ta'aloga lona tolu i Pools lea e ta'a'alo ai ma Iapani i le fa'ai'uga o le vaiaso.


O nei suiga e fa(4), o le laina i tua ua filifilia ai Taleni Sua, o le susug ia Sa Jordan Taufua ua ave iai le fa'atuatuaga a le ali'i faia'oga e ta'alo muamua i le numera 8, lea sa ta'alo ai Steven Luatua i ta'aloga e lua ua mavae.


Ae o suiga mo sui fa'atini(wingers) ua filifili ai le susuga ia Alai D'Angelo Leuila i le uigi agavale ae o le numera 13 o le 'a tamo'e ai Tumua Manu mo le lua a'i ai nei o taimi e pei ona ta'a'alo ai fo'i i le ta'aloga ma Fiti i le tausaga na mavae 2022.


O le isi suiga o tulaga, ua se'e mai ai le susuga ia Ed Fidow i le uigi taumatau ae malolo le ali'i o Nigel Ah Wong.


O le ta'aloga ma Iapani, o se ta'aloga taua lea e saili ai se avanoa o le Manu Samoa mo 'au e saofaga atu i le la'asaga o le pa'u ma nofo.


O lo'o tulaga lua Samoa i le Pool D, ma e le'o mautinoa lava lona saofaga(qualify) mo le la'asafa mulimuli o ta'aloga o le ipu o le lalolagi; e iva(9) ni 'ai o lo'o muamua ai Argentina ia Samoa ma e tatau i le Manu Samoa ona manumalo i le ponesi.


O le itula e 8am i le taeao o le Aso Faraile 29 Setema 2023 le taimi o le ta'aloga ma Iapani.


1 James Lay

2 Seilala Lam

3 Paul Alo-Emile

4 Chris Vui (c)

5 Theo McFarland

6 Taleni Junior Agaese Seu

7 Fritz Lee

8 Sa Jordan Taufua

9 Jonathan Taumateine

10 Christian Leali'ifano

11 Ben Lam

12 Alai D'Angelo Leuila

13 Tumua Manu

14 Ed Fidow

15 Duncan Paia'aua


Replacements:

16 Sama Malolo

17 Jordan Lay

18 Michael Alaalatoa

19 Steven Luatua

20 Alamanda Motuga

21 Melani Matavao

22 Neria Fomai

23 Danny Toala

コメント


bottom of page