top of page

E fa’amoemoe le ‘au lakapi 15 a le Manu Samoa i tama ta’aalo mai fafo?

By Lauano Demetrius Ah Mau.


E le’i iai ni taeao talu ona fa’asalalauina fa’alauaitele e le lakapi Samoa le filifilia ai o le susuga ia Mase Mahonri Schwalger e avea ma faiaoga ulu o le Manu Samoa 15, sui tulaga i le sa tauaveina lea tofiga i le 4 tausaga talu ai ia Vaovasa Seilala Mapusua, ae ua agiga mai fo’i ni fa’asea ma le le fiafia o se ali’i taalo sa ta’alo i le Manu Samoa 15 i le ipu o le lalolagi i le tausaga 2023.


I se fa’atalatalanoaga a se tasi o ofisa fa’asalalau i Niu Sila o le New Zealand Herald ma le ali’i o Lima Sopoaga sa ia fa’aalia ai ona atugaluga e uiga i le suia fa’afuase’i o le faiaoga ulu o le Manu Samoa ia Seilala Mapusua ae toe 8 masina o lo’o totoe o lana konakarate sa sainia e tauaveina ai lenei tofiga mo le ‘au a le atunu’u. O Lima Sopoaga o se sui tuai o le ‘au a Niu Sila(All Blacks) ma sa taalo ai i le tele o tausaga ae o le ipu o le lalolagi i le tausaga ua mavae atu sa filifilia ai e le Manu Samoa fa’atasi ai ma nisi o sui tuai o le All Blacks ia Steven Luatua, Charlie Faumuina, ma Ben Lam ma ta’aalo ai i le lalo o le va’ava’aiga a Mapusua ma lana pulega i lena taimi.


I le fa’atalatalanoaga a le New Zealand Herald ma Sopoaga sa ia fofola ai le faigata ia te ia ma le nisi o ali’i taalo o lo’o ta’aalo i atunu’u i fafo ona talia le fa’aiuga a le Lakapi Samoa i le suia fa’afuase’i o le faiaoga a le Manu Samoa, na ia taua o lo’o feso’ota’i lava ma nisi o tama ta’aalo sa taaalo i le ipu o le lalolagi i le tausaga ua mavae ma e le’o mautonu so latou toe filifilia o le Manu Samoa e ta’aalo ai i le leisi ipu ole laolagi o lo’o soso’o nei.


“You probaly lose the trust of some of those international players - guys who really bought into Map’s vision and maybe don’t make themselves available now” (Lima Sopoaga)

3,899 views

Comments


bottom of page