top of page

E le’i faamaonia e le Kapeneta le toe a’e o a’oga.

Na toe fa’anatinati ma i faa’asalalauga a le Matagluega ale Ofisa o Aoga i le Aso Toona’i 14 Me 2022 ina ia toe fa’aleaogaina ai le fa’asilasilaga muamua sa tuuina mai mo le toe amatalia ai o aoga a fanau i Kolisi maualuluga ma Aoga Tulagalua i lenei vaiaso.


I le vaiaso na te’a na aumai ai se fa’asilasilaga ina ia matalia le toe a’e o a’oga i le vaiaso nei i lea aso Gafua 16 Me 2022.


Ae peitai i le aoaulu o le aso Toonai na toe tu’uina mai ai se fa’asilasilaga a le matagaluega o a’oga ina ia fa’aauau pea le tapunia o aoga i lalo o le Poloaigao Faalavelave fa’afuase’i a le malo numera 77 i le la’asaga 2 o lo’o iai nei Samoa seia toe faailoa mai le fa’amaoniga a le Kapeneta.


E tusa ai ma le poloaiga talu ai sa fa’asilasila ai e le tamaitai palemia le ono toe tatala ai o aoga i le masina lenei o Me pea maea ona tu’uina atu se fautuaga a le Matagaluega i le Kapeneta.

Ua maea ona tapena le ofisa o a’oga e toe amatalia fanau i lenei vaiaso, ae peita’i e le’i mafai ona aumai se faamaoniga mai le kapeneta e aloa’ia pe taliaina ai le toe amatalia ai o aoga a fanau.


Ua iai le faamoemoe o le a toe faailoa mai e le ofisa o aoga aso ma taimi e toe amatalia ai a’oga pea tu’uina mai se finagalo a le Kapeneta.


Ua savali i le lua masina talu ona taofia ma tapunia aoga a fanau talu ona pipisi i tua le faamai ole Koviti 19, ole taimi nei ua na’o Iunivesite o lo’o ua amatalia ma fa’aauau aoga.



1,096 views

Comments


bottom of page