top of page

"E pule a Felela i le latou fale, ia pe fia faatau pe leai".

O le saunoaga lea a le Faipule o le Itūmālō Palota o Faleata 1 ia Maleleua Paletasala Tovale, ina ua saunoa faalauaitele i totonu o le Maota Fono a le Palemene e tali atu ai i faasalalauga o le fale o faaagaina e le Fono Faavae e faapea ua faasalalau le faatauina atu.


O le saunoaga a Manuleleua i lona manatu i le tulāfono toe teuteu o faigapalota o loo laulauviviluina nei. sa maua ai ma lona avanoa e tali ai i nei faasalalauga.


O le aso ananafi na faasalalauina ai e le Kamupanī Faatau Fale ma Fanua a le Samoa Realty, le fia faatauin atu o lenei fale o loo iai le faailoilo o le Fono Faavae a Faleata 1.


E tusa ma le $442,000 le tau o le fale ma le fanua, ma o se faasalalauga na faasoa solo e le toatele i luga o le facebook ma fesiligia ai le itūmālō e uiga i lea fale o loo fai ma Ofisa o le Fono Faavae.


Saunoa Manuleleua, o le fale ma le fanua e leo se meatotino a le Fono Faavae, o le fanua ma le fale e patino lea i Felela(brothers) a le Ekalesia Katoliko.


Ma e pule foi Felela pe fia faatau le latou fanua ma le fale pe leai, ae o loo faaauauina pea ona avea ma nofoaga o le Ofisa o Fono Faavae a le Itūmālō.


Ua tāua foi e se sui o le Itūmālō lenei, e lei iai lava se tupe a le itumalō mai i lenei poloketi sa faaaluina i lea fale, e nao pau tulaga o loo iai o meāfale ma totoga o Ofisa, ae o le anofale o lea maota sa faaleleia lava e i latou e onaina.


Ua faailoa e le faipule, e leai se mea e popole ai lona itūmalo o loo faaauau pea ona iai le latou Ofisa i lea fale i le nuu o Sinamoga.

2,285 views

Comments


bottom of page