top of page

Fa'aaoga e leoleo va'a 'a se faipisinisi Samoa e leo ogasami a'o to'esea le Nafanua.

26 Setema 2022

PC: Wikipedia


Ua atoa nei le tausaga talu ona le toe iai se va'a (Nafanua 2) e leoleo le gataifale o Samoa ma le Pasefika.


O le taimi nei o lo'o ua i Ausetalia le Nafanua 2 i le atunu’u sa o latou aumaia lenei va'a e tusa ma le $30 miliona tala lona tau aofa'i, na fa'aletonu mai lenei va'a i le masina o Aukuso 2021 ina ua malaga atu i Savaii ma se 'aumalaga a leoleo ina ia fa'afilemu ni vevesi solotetee ae pa'ulia ai i gataifale o Salelologa.


I le masina o Setema i le tausaga lava lea na te'a na uta ai loa i luga o se va'a ma toso ai loa i Ausetalia, peitai ua fa'ailoa mai fo'i e Ausetalia e tele lava se galuega e toe fia faia i le va'a lenei o le Nafanua 2.


O le Nafanua 2 e le'i atoa se lua tasuaga talu na taunu’u mai ae toe leaga ona o le fa'atamala o se tasi o alii leoleo na fa'afoeina le va'a i lena taimi.


I le faatalanoaga a le Blutv ma Papalii Monalisa Keti o le sui komesina a le Matagaluega o leoleo na fa’ailoa ai le fa'aaogaina ai lea e le matagaluega o leoleo o se tasi o va'a a se faipisinisi Samoa e leoina gataifale o Samoa i lenei taimi ma o lo’o fa’apena lava ona fa'aogaina ai tagata faigaluega a le matagaluega i le Malini.


Na ia fa'ailoa foi ua mae'a ona tu’u atu ni talosaga i nisi o atunu’u tetele o le lalolagi e pei o Niu Sila, Ausetalia, Peretania ma Amerika olo'o tele ina sopoa mai atuvasa o le pasefika ia latou petolo ina ia maua ai mase avanoa latou te fesoasoani mai i Samoa e ala i le lipotiina mai lea o ni soligatulafono masalomia i tatou gataifale.


374 views

Comments


bottom of page