top of page

Fa'aauau polokalame mo fa'atoaga aua le 'augalulue i fa'ato'aga ma togala'au 'aina.


Ata Pu'eina: Ministry of Agriculture.


O lo'o una'i pea e le Matagaluega o Fa'ato'aga i Samoa, le fa'aauau pea o polokalame mo atina'e eseese tau fa'ato'aga i le atunu'u. O le manulauti ina ia tu'uese le fa'apalapala ae sa'ili manuia o le laueleele aua lava le fofoga taumafa.


I le amata ai o fe'au ma tiute o le tasuaga fou 2024, o le taeao o le Aso Lulu, na feiloai atu ai le au fai faatoaga uma mai lalo o le poloketi o le SCATAP ma le Matagaluega o Faatoaga, ina ia faapupula ma faamalamalama se aotelega ua iai le poloketi i lona vaega lona lima (Phase 5).

O se fa'atasiga taua fo'i lea na maua ai le avanoa e faailo ai tulaga ua iai le alualu i luma o atinae faatoaga ma lafumanu na fesoasoani malosi ai le poloketi.


Na fa'aalia le agaga fiafia o sui auai o le fa'atasiga aemaise ai o le aufaifa'ato'aga ina ua mae'a na fofola le fala i polokalame ua mae'a ma ni isi o poloketi ua fuafuaina e le Matagaluega ma ana Pa'aga.


I le mae'a ai o le Polokalame, na mafai foi ona faamanuiaina uma le mamalu o le atunuu na auai, i le anoanoai o fatu laau eseese ma nisi o mea faigaluega e fesoasoani atili i atinae.

Ma o loo iai pea fuafuaga alualu mamao a le SCATAP mo le oo atu ai i le laasaga lona ono (Phase 6), ina ia mafai pea ona latou galulue faatasi ma le Matagaluega o Faatoaga ina ia siitia pea fesoasoani ma tomai e mafai ona faamanuiaina ai faifaatoaga tau amata ma faifaatoaga tetele i Samoa o loo latou fai paaga.


E le'o fa'apito manu ia tasi i le fa'asoa lima lelei a le Matagaluega o Fa'atoaga ma ana Pa'aga, e pei fo'i ona tofusia uma ai tagata faifa'ato'aga uma mai Savaii, Upolu, Manono ma Apolima i fa'amanuiaga tau atina'e.


153 views
bottom of page