top of page

Fa'afetai e tagata le tautua a Lauaki Fereti Tuilagi.

22 Novema 2022


Lauaki Fereti "Freddy" Tuilagi (PC: Toa Samoa Facebook)

Ua vi'ia nei e tagata Samoa le tautua a se tasi o tamali'i a le atunu'u le afioga ia Lauaki Fereti Tuilagi 'ona o lona sao i le lagolagoina lea o alo ma fanau a Samoa sa ta'a'alo i le Toa Samoa.


Na molimauina i luga o upega o fa'amatalaga mai lava i le amataga o tapenaga o le ipu o le lalolagi le tautua a lenei tamali'i i lana talimalo aemaise o le fa'amalosi'au i le tele o taimi sa api ai le 'au a le Toa Samoa.


Lauaki with Ao o le Malo ma lona Masiofo

O Lauaki Fereti Tuilagi, e le fou i le tatou atunu'u lana tautua i tulaga o ta'aloga e pei fo'i ona sa ta'alo ai ma fai ai ma ave fu'a a Samoa i le tele o tausaga i le au lakapi a le Manu Samoa i le vaitau o le 90.


O Fereti Tuilagi o le uso matua o nisi fo'i o alo ta'alo a Samoa, le susuga ia Alesana Tuilaga, Anitele'a, Manu Tuilagi, Henry Tuilagi ma Vavae Tuilagi.


I le taimi a'o tolauapi le 'au lakapi a le Toa Samoa, sa fa'atino lava le tautua a Fereti e ala i le fa'alauiloaina lava lea o le aganu'u talimalo a Samoa e pei ona iai le faiga o le 'ava, 'ae o taimi fo'i o ta'aloga e matua matilatila lava le tapua'iga ma le fa'amalosi'au a Tuilagi ma e o'o lava fo'i i le taimi e mae'a ai se ta'aloga.


O Tuilagi e le fou lana tautua talimalo i lona aumau ai le i Peretania e pei fo'i ona ia talimalo ai i le tele o malaga fa'a le malo a Samoa.


634 views

Comments


bottom of page