Fa’agasolo su’esu’ega a leoleo i le taule’ale’a na solia e le ta’avale afi.

13 Tesema 2022

Ua i lima nei o leoleo le mata'upu na fano ai le ola o se tasi o taule'ale'a i le Aso To'ona'i i Savai'i.

O le mata'upu lenei e fa'apea na solia e le ta'avale lenei ali'i a'o moe i le aualatele ma o lo'o tu'uina mai i ripoti a le Matagaluega o Leoleo, o le ua maliu e fa'asu'ava ma na moe ai luma o le auala.

E iai le talitonuga e le'i iloa e le tina sa fa'afoeina le ta'avale, ma o lea fo'i ua fa'ailoa mai nei sa toe agai ane lava lenei tina i le Ofisa o Leoleo ma ia fa'ailoa ai lea tulaga.

O lo'o fa'agasolo ai pea la ia su'esu'e a le vaega o su'esu'ega fa'apitoa a leoleo e tusa o lenei mata'upu.

A'o iai foi le atunu'u i faiga fiafia mo le aga'i atu ai i le Kersisimasi, e fautuaina malosi ai le aga'i lelei e eva i se nofoaga e saogalemu ae le'o luma o aualatele.