top of page

Fa'ailoa e leoleo mafua'aga o le misi so'o o fanau ma tagata matutua mai ‘aiga.

26 Setema 2022

Ua le toe 'asa se vaiaso ma fa'asalalau mai i luga o le Facebook a le ofisa o leoleo alo ma fanau aemaise o tagata leiloloa i Samoa i lenei vaitau.


Na talanoa atu le Blutv i le matagaluega o leoleo i le susuga i le sui Komesina ia Papalii Monalisa Keti ma fa'ailoa mai ai nisi o mafua'aga ese'ese o lo'o i fa'amaumauga a le matagaluega mai ia latou sa'iliga.


Saunoa le sui komesina, o le tele o isi o fanau e su'e ma toe maua mai, e mafua ona aga'i ese ma 'aiga ona o le 'otegia atu e matua ae le fia fa'alogo iai ma savali ese ai ma le 'aiga.


O ni isi o fanau e mafua ona misi ma 'aiga ona e o i 'aiga oni fa'auo po'o 'aiga e aunoa ma le silafia e fa'apopoleina ai matua pe'afai e po ane le aso e le'i o’o atu i le fale.


O isi o i latou e sailia e le matagaluega o leoleo pe'a maua atu se valaau i le latou fesoasoani, o i latou ia e agai e fagogota ma le toe fo'i ane lava ma ole tele o mata'upu fa'apenei e taunu’u ai lava i se taunu’uga ole le toe mauaina ma e fa'amauina ai ua maliu.


I le tulai mai ai pea o nei tulaga ua fautua mai ai le matagaluega o leoleo i matua ina ia mataala lea i le va'aiga lelei o fanau ona o le faigata o le vaitau ua iai nei ile fa'atosinaga a le tekonolosi ma upega o fa’amatalaga fa’aonaponei e ono avaga ma tosina gofie ai mafaufau o fanau.


'Ae i mataupu lava i nisi o tagata matutua, na fa'ailoa ai ole tele o mataupu fa'apenei e mafua ona agai ese le tagata mai lona 'aiga ona oni fe'eeseeseaiga fa'ale lotoifale ia ma manatu ai e tatau ona savali 'ese ma saili se nofoaga e tau ina mapu ai le mafaufau.


I fa'amauamauga a le ofisa o leoleo o lo’o faamauina ai o le tausaga 2021 e toa 9 i latou na sailia po’o mataupu na o’o atu i le matagaluega o leoleo ae o le tausaga lenei ele'i mae'a le tausaga ae olea ua faamauina e to'a 10 sa sailia ma toe maua e le ofisa o leoleo.


Na fa'afetaia e le ofisa o leoleo le lagolago ma le fesoasoani a le lautele ible sailia o tagata leiloloa ma misi mai i 'aiga.


1,524 views

Comments


bottom of page