Fa'alavelave matautia a'afia ai se pasi laupasese ma le taavale tōtino.

O le taeao nei o le Aso Gafua, na tula'i mai ai se fa'alavelave matautia i Mālifa na aafia ai se ta'avale tōtino ma le pasi la'upasese.

O ata na maua i mea pu'eata a se tasi o fale e lata ane i lea nofoaga, na manino ai le ata o lea fa'alavelave.

O le pasi ma le taavale na agai mai i le itū e tasi, sa so'aina e le pasi le ta'avale ma tifa ane ai i tua.

O foliga vaaia o le ata, na malepe le fale o le pasi lau pasese ma taliana i tafatafa ane o le 'auala.

Na manino foi i mea pueata le saoasaoa tele o le pasi la'upasese.

E lei mautinoa pe iai nisi na faamualia tigaina pe o iai foi ni isi o maliliu i lea faalavelave tau taavale afi.