top of page

Fa'alelei Kolisi na vevesi.

16 Novema 2022.


Ua mae'a nei ona toe fai se fa'aleleiga i va o a'oga na vevesi i nai vaiaso ua tuana'i e pei ona iai se fa'atasiga i lenei vaiaso.


O lenei fa'atasiga na 'auai ai le Komesina o leoleo aemaise o sui o a'oga le Kolisi o Sagato Iosefo ma le Kolisi o Leififi, e fa'apena ma fanau a'oga.


I le lua vaiaso ua tuana'i na tula'i mai ai ni fe'ese'esea'iga i va o a'oga nei ma fa'apena ona o'o ai fo'i i se tulaga faigata.


O nai vaiaso fo'i ua te'a, na fai ai foi ni feiloa'iga a le matagaluega o leoleo ma le pulega o a'oga uma nei e lua ina ia soalaupule ma fa'atalanoa ni fofo e fo'ia ai nei fa'afitauli i vevesi na tula'i mai.


O le vaiaso ua tuana'i i nei feiloa'iga na fa'ama'ite ai e le Matagaluega o Leoleo ma Faleouioui fa'apea le Matagaluega o A'oga Ta'aloga ma Aganu'u fa'atasi ai ma le mamalu o faia'oga e tapena se sauniga ma se feiloa'iga e fa'ato'afilemu ai le va nonofo a'oga e lua.


O le Aso Lua 15 lea na fa'ataunu'uina ai lenei sauniga i le falesamoa a le Ofisa o A'oga i Malifa, na maua ai le avanoa e fa'alogologo ai fanau a'oga o nei Kolisi i saunoaga mai i le Matagaluega o Aoga, Matagaluega o leoleo aemaise fo'i o le vasega o Faia'oga.


Na toe fa'amanino ai e le afioga ia Auapa'au Logoitino Filipo i fanau a'oga tulaga ua iai le tulafono e molia lava so'o se tamaitiiti a'oga e fa'atupu vevesi i nofoaga faitele, ma e le toe 'alo ai fo'i le tulafono.


O timaiga ma fautuaga faifai pea na faaleo e puleaoga ma le sui o le matagaluega ma le naunautaiga ina ia aua lava nei toe tulai mai nei vevesi e tauleagaina ai aoga, matua ma le atunuu ae o le a tele se aafiaga ia i latou lava e taitai ma faatupu le vevesi.

Tama ma Teine aooga uma o Samoa, ia fai se ai mo le tapuaiga a nai ou matua ma ou aiga ae o se viiga o le Atua.




386 views

Kommentare


bottom of page