top of page

Fa'amalosi'au 'The Rock' i le Toa Samoa.

18 Novema 2022.


Seiuli Dwayne Johnson (PC: Facebook)

Ua molimoli mai se fa'amalosi'au a se tasi o tamali'i a Samoa ua lauiloa i fa'afiafia ma ata tifaga le susuga ia Seiuli Dwayne Johnson po'o The Rock ua iloga ai i le lalolagi.


O le taeao o le aso Faraile 18 Novema 2022 na maua ai se fa'amanuiaga mai lea alo o le atunu'u.


O se vaega o lana fa'amalosi'au, e aofia ai lana fa'amanatu lea o lana aganu'u i le malosi'aga po'o le MANA i taimi o taua. Na ia taua foi le aoga tele o le fa’asamoa ma le taua o le toto Samoa e ese mai nisi tagata atunuu. Na momoli fo'i lana fa'amalo ma le fa'afetai i alo Samoa o lo'o tau ina le taua i le au a le Toa Samoa.


Na ia ta'ua o se agaga mimita ua ia mauaina ona o se taimi muamua lenei a Samoa ua o'o ai i le sa'iliga siamupini o se ipu o le lalolagi.


Na ta'ua e The Rock na ia maua le tele o fe'au tusitusia na lafo atu e tagata lagolago i le Toa Samoa, ma o se tulaga fa'agae'etia lea ia te ia, ma o lona fo'i lea mitamitaga ia tau'ave le igoa o lona atunu'u e pei ona masani na talanoa atu ai lona tua'a ia Peter Maivia a'o soifua i le taua lea o le Fa'a Samoa ma le MANA.


507 views

Comments


bottom of page