top of page

Fa'amanatu le aso o taumafa ma mea fafaga i Samoa.



O le aso Tofi na fa'ataunu'uina ai se sauniga fa'apitoa na tu'ufa'atasia e le Matagaluega o fa'ato'aga ma Faigafaiva mo le 'aufaifa'atoa'ga i le motu o Upolu.


O lenei fa'amoemoe ua faia fa'apitoa e fa'amanatu ai le aso mo taumafa ma meafafaga i le lalolagi atoa, ae mo Samoa fo'i.


O le fa'amoemoega maualuga a le Minisita le aioga ia La'aulialemalietoa Leuatea Polata'ivao Fosi Schmidt, ina aumai fa'atasi le au fai fa'ato'aga ma le 'aufai lafumanu i le nofoaga e tasi, e fai ai fa'alauiloa a le matagaluega ma le Ofisa ina ia fa'alauiloa atili ai le 'au'aunaga.


"O le fa'amoemoe i le aso, ua amataina le isi tatou polokalame aloa'ia ona o le fa'amoemoe a le Matagaluega ina ia 'aua ai nei gata fa'alauiloa. Ua uma na alu atu tatou ulua'i seleselega i itumalo ta'itasi, ae ua manatu le Matagaluega e fai pea se Open Day mo le Matagaluega ma le Ofisa , faalauiloa ai ana 'au'aunga".




O le World Food Day e fa'alauiloa ai so'o se fua o fa'ato'aga ae o le isi vaega o le fa'atauaina lea o atina'e tau meafafaga ma lafumanu.


O le fa'amoemoe lenei a le Matagaluega o fa'ato'aga ma faigafaiva, e ese mai lava i polokalame o Ulua'i Seleselega o lo'o ua ta'atia atu lea i fonofaavae a itumalo taitasi.


O le nei aso fa'apitoa po'o le Open Day ua fuafuaina e tasi e fai mo Upolu nei e pei ona iai lenei aso ma le isi aso ua fa'atulaga mo Salafai i le masina o Novema ol le tausaga nei.


O le fa'amamafa a le afioga i le Minisita o le Matagaluega o F'atoa'ga ina ia leai se oge ia Samoa, aemaise o le tau taofiofi i le Ola fa'alagolago i mea'ai ma atunu'u i fafo.


I le mae'a ai o le sauniga i lenei aso, na maua le avanoa e tufatufaina ai tama'i mo le aufailafumanu i se tau itiiti ae o le fa'amoemoe ina ia fafaga ma atina'e lafumanu e tua ai lava le atunu'u.


Sa maua foi ma avanoa o le aufaifa'atoaga e fa'aali ai fua o a latou fa'ato'aga ma togala'au'aina i le fa'aaliga.


O lenei polokalame o lo'o lagolagoina e le Malo o Samoa aemaise o ana pa'aga mai fafo e aofia ai ma le Malo 'Aufa'atasi i vaega o taumafa.

i


46 views

Comments


bottom of page