Ua mae'a tu'uina mai le fa'ai'uga a le Fa'amasinoga o Fanua ma Suafa, e ave'esea ai le silia ma le 10 'aiga Tuana'i o lo'o nonofo i luga o fanua e patino i le nu'u o Afega.
O le Aso Faraile 14 o Tesema na fofogaina mai ai lenei fa'ai'uga a le Fa'amasinoga o Fanua ma Suafa, ma ua fa'atonuina ai e tatau ona tapena 'ese ma fanua o Afega i totonu o le 4 masina e amata atu i le aso na tuuina mai ai le fa'ai'uga.
I le fa'ai'uga a lenei fa'amasinga, o lo'o fa'ailoa ai e fa'apea e le tatau i se isi lava laulau o le fa'amasinoga ona toe suia le fa'ai'uga o le tausaga e 1963.
Ma e tumau pea lava lenei fa'aiuga e le mafai lava ona toe suia.
O le manumalo ai o Afega i lenei Fa'amasinoga, ua a'afia ai ma isi fanua i tua o Leauvaa ma Levi, Saleimoa.
Ua molimauina le amatalia o galuega o le suaina o tafatafa ala o fanua i uta o Leauvaa Uta e le nuu o Afega.