top of page

Fai e le Toa Vivini a Farani le miti a Niu Sila i le tatalaina o le Ipu o le Lalolagi.

09 Setema 2023: Na toe vivini lava toa a Farani i lona malae ina ua faatoilaloina se tasi o au numera tasi a le lalolagi i taaloga lakapi le All Blacks i le vaveao o le Aso Toonai 9 Setema 2023.


O le Ipu o le Lalolagi o le taaloga lakapī o loo talimālō ai le atunuu o Farani, ma o le atunuu talimālō ma Niu Sila na tala malae.


O se taaloga na maitauina le malosi tele o le au lenei a Farani pe 'ā faatusa foi ia Niu Sila o le tasi o 'au logologoā i meatotia aepeitai sa maitauina le tele o mea sesē na faatinoina i lenei uluai taaloga.


I faamaumauga o taaloga o Ipu o le lalolagi, e lei iai se taimi na toilalo ai Niu Sila i taaloga o Pool ae peitai o le taimi muamua lenei ua malolo ai ina ua vivini le toa a Farani i ona lava laufanua.


Sa taumate le amata o le taaloga i le 2 minute muamua ae sikoa le alii uigi(winger) a le All Blacks ia Mark Tele'a.


E le'i vaivai ai le Toa Vivini a Farani ma o lea na ta ane le 'afa muamua o le mālōlōga ua 9 Farani i le 8 a Niu Sila, o le māe'a o le mālōlōga muamua ae faaauau i le minute faaiu o le taaloga, na toe maua ai ni sikoa a Farani mai i le latou uigi(winger) saoasoa o Damian Penaud ma le alii faaleoleo o Melvin Jaminet ae o isi 'ai faaaopoopo sa maua i le alii numera 15 o Thomas Ramoz i ana kiki ova i le kou mo sikoa aemaise o sala.


Na toe maua le isi 'ai faaaopoopo a Niu Sila ina ua toe laasia e le alii o Marke Tele'a le laina sikoa a Farani ma maua ai loa 'ai faaiu o le taaloga e 27 Farani i le 13 a Niu Sila.


O Farani o le 'ā ta'aalo ma Uruguray i le Aso Faraile o le vaiaso fou ae o le Aso Toonai e taaalo ai Niu Sila ma Namibia i le isi taaloga o Pool.


O le Manu Samoa ua faatulaga mai lana taaloga muamua mo le ipu o le lalolagi i le Aso Sa 17 o Setema 2023 ma le 'au a Chile i le 2am i le vaveao.

Comments


bottom of page