top of page

Faipa'aga le Blutv ma le N.U.S TV i le fa'asalalauina o le Talanoa Sports.



Ua amata nei se faigapa'aga a le 'au'aunaga fa'aalalau a le Blutv ma le faletelevise o le Iunivesite Aoao o Samoa le NUS TV 8, e ala lea i le fa'asalalauina o le polokalame o lo'o tu'ufa'atasia e le Bluwave TV ua fa'aigoaina o le SportsTalanoa .


O le Polokalame o le Sports Talanoa ua faia fa'apitoa e fa'atalanoa ai le lalolagi o ta'aloga i Samoa ma le lalolagi atoa, o se polokalame ua faitau selau tagata ua mafai ona maimoa ai mai atunu'u ese'ese o le lalolagi.


I le amataga o le Talanoa Sports ua fai fa'apitoa ai se laulau a le fofoga o le polokalame ia Asiata Pio Vaoliko ma sui tuai o le Manu Samoa ia Toleafoa Andy Aiolupo ma Aumua To'o Vaega e talanoa ai ma fa'asoa i atina'e o ta'aloga i le atunuu aemaise ai lava o le Manu Samoa ma lana tapenaga i le ipu o le lalolagi i Farani.


O afiafi o Aso Lulu i le itula e 8.30pm taimi Samoa, o le 'a maua ai avanoa e maimoa tu'usa'o ai i luga o le ala ata o le NUS TV i Samoa nei ae o luga o le ala ata a le Blutv.


Saunoa le afioga i le fa'atonu o le Blutv, o se fiafiaga ia te ia ona o lenei avanoa e galulue fa'atasi ai male NUS TV e tu'uina atu lenei polokalame taua aemaise lava o le toe maua o le avanoa e fa'afofoga ai le atunu'u i fa'asoa a ni isi o sui tuai o le Manu Samoa a'o tapena ai le Manu Samoa i ana tausinioga mo le ipu o le lalolagi.



224 views

Comentarios


bottom of page