top of page

Faitio tagata i le manogi o le vaa o loo taoto faatafa i Vaisigano.

Ua faitioina e le atunuu femalagai le manogi ua faalogoina mai i le vaa fagota a se tasi o Kamupanī vaa lea o loo paulia i Vaisigano.


O lenei vaa na paulia i le lua vaiaso talu ai ina ia ua malolosi galu a'au ma ta mai ai i uta i le pa'umatū.


Ua le nofonofo elei le mamalu o le atunuu faipisinisi ma i latou e ūia lea vaega o le taulaga ona o le malosi o le manogi sau mai gatai ane o Matāutu i le vaa lenei.


Peitai na saunoa le Minisita o Uafu ma Taulaga, afioga Olo Fiti Vaai, o le aveeseina o lenei vaa mai gataifale o Matautu; o le 'ā nafa lava lea ma le kamupanī e ona ina ona e iai aafiaga ono faaleagaina ai ia vaega o gataifale o le taulaga.


E oo mai i le taimi nei o loo ua faatutū ai faleie a i latou e ona le vaa, e leoina ma vaai mai le ono osofa'i e ni isi ma ave ni mea aogā.


2,097 views
bottom of page