E fa tausaga ma le 10 le faasalaga faafalepuipui ua faasalaina ai se tamā na ia faaoo le maliu i lona lava atalii e 12 tausaga le matua.
O le nuu o Palisi na tulai mai ai lea faalavelave i le tausaga e 2022 ina ua faaoomanu'a le tamā i lona alo ma avea ma tulaga na maliu ai lava.
I suesuega o lea matāupu, e faapea o loo masalomia o se meafaitino malō na faaaoga e le tamā e faaoo manua ai i le atalii ma.afaina ai lona ulu lea na mafua ai lava lona maliu.
O faamatala e le tamā i le potu faamasino i luma lana afioga i le Faamasino ia Niavā Mata Tuatagaloa, e lei iai sona mafaufau e oo lona atalii i sea tulaga ona sa ia sasa e aoai ona o se tu ma se amioga ua le talafeagai i lana vaai.
Aepeitai e lei alo lava le tulafono, ona o le ogaoga tele o nei ituaiga o faaoogalima ma mafua ai le maliu.