top of page

Fanaina Korea i Matu loketi aga'i Iapani.



Ole aso na fanaina ai ile vateatea ni loketi fa'afonutonu ale atunuu o Korea i Matu e aga'i atu ile itu i i Sasa'e o Iapani.


I le mae'a ai ona lapata'ia ele vaega o puipuiga ma fitafita ole gataifale o Iapani le vaega i Sasa'e, le masalomia ai ole fa'ata'ita'iga o meatau ma loketi fa'afonutonu alu mamao a Korea i Matu, olea ua lapata'ia ai ele malo o Iapani ana vaega 'au mole puipuiga o ona tagata nuu.


Na pa’ū i le Vasa Pasefika loketi fa’atonutonu alu mamao a Korea i Matu, e tusa ma le 3000km mai Iapani, ile lipoti ale fale fa’asalalau le TV Asahi na ta’ua ai lea tulaga. Ua fa’ailoa nei ‘ele militeri a Korea i Saute, ‘ose tasi lea o loketi malosi ma mamao lana alu e pei ona fanaina mai e Korea i Matu.


Ua faitioina ai nei ele Palemia o Iapani Fumio Kishida ia Korea i Matu ona o ana faiga "sauā", ‘ae ta’ua foi ‘ele failautusi aoao ale kapeneta o Hirokazu Matsuno, o nei gaioiga faifaipea a Pyongyang o se luʻitau ogaoga i le talepeina ole filemu fa’avaomalo.


‘Ua fa’ailoa mai ‘ele Palemia o Iapani ia Matsuno o le’a galulue vavalalata Iapani ma le vaega ole fono aoao ole saogalemu o Malo ‘Au Fa’atasi (UN Security Council) i le mataupu lenei ua toe alia’e mai. Ua lipotia mai fo’i e se tasi o ofisa fa’asalalau le Kyodo, o lea ua taloina ‘ele mālō o Iapani se fonotaga fa’anatinati ‘a le komiti o puipuiga a le atunuu.


O fa’ata’ita’iga meatau nei a Korea i Matu na mafua ai ona taofia e le East Japan Railway Co ana nofoaafi i le itu i mātū, e pei ona lipotia mai e faʻasalalauga ‘ale NHK, Iapani.



81 views

Comments


bottom of page