O le vaiaso nei na feiloai ai le Palemia ma le Minisita mo Pisinisi a le Malo o Fiti ia Hon. Sitiveni Rabuka ma le Minisita o Samoa mo Pisinisi a le Malo Hon. Leatinuu Wayne Sooilo, e talanoa i vaega e ono mafai ona galulue fa'atasi i itū tau pisinisi a le malo i le va o mālō e lua.
O le ulua'i fonotaga lenei ma o se la'asaga tāua lea mo faiga-pa'aga fa'aitulagi i le va o Fiti ma Samoa ona o lo'o taumafai atunu'u e lua e fa'aleleia atili le galulue fa'atasi i le pulega ma atina'e.
Na fa'afeiloa'ia e le Palemia o Rabuka le usugafono a Samoa i ona laufanua ma fa'amamafa ai le naunauta'i a Fiti i le fa'alauteleina o le galulue fa'atasi e lagolago ai le fa'atupulaia o le tamaoaiga ma atina'e gafataulimaina i le itulagi.
Na tuuina mai e le Palemia se vaaiga aoao o le Matagaluega o Atinae a le Malo a Fiti, ma faailoa ai lana matafaioi i le taialaina o le atinae ma le vaavaaiga o pisinisi a le malo e 13 a Fiti, lea e fai ma sui o le aofaiga atoa o aseta e $1.09 piliona.
O le Matagaluega o Atinae a le Malo a Fiti o loo pulea e le Tulafono o Atinae a le Malo 2019 lea na suia ai le Tulafono o Atinae a le Malo 1999 lea na faavaeina ai e le SVT Coalition le Matagaluega ma amata ai le suiga o pisinisi a le malo i Fiti.
O le Matagaluega o lo'o iai le fa'atonuga e mata'ituina le fa'atinoga o atina'e a le malo, va'ava'ai pulega, ma fa'atino suiga o atina'e.
Na taula'i fo'i fa'atalanoaga i vaega tāua e pei o le fa'atinoina o galuega tau tupe a Fiti, faiga fa'avae ma fuafuaga tau pulega.
Na toe ta’ua e le Palemia i lana saunoaga fa’ai’u, le mana’omia o faiga-pa’aga malosi ma avanoa i le vaega o atina’e a le malo, i le taimi lava lea e tasi, sa ia fa’ailoa ai le taua o le atina’e fa’aitulagi, pulega lelei ma le fa’aogaina lelei o alagaoa a le malo e fa’aleleia atili ai le auaunaga mo tagatanu’u.
I le saunoaga a Leatinuu, na ia faafetaia ai le alii Palemia mo le avanoa e feiloai ai ma talanoaina avanoa mo le faaauauina o le galulue faatasi.
Faaalia e le Minisita o Pisinisi Tumaoti a Samoa o se avanoa foi lea e a‘oa‘o atili ai mai le Matagaluega o Atinae a le Malo a Fiti ma malamalama ai i auala faataatitia e foia ai luitau o loo feagai ma faalapotopotoga faapena a le Malo i Samoa, faatasi ai ma isi mataupu tāua.
