Fesoasoani le Lakapi Liki Samoa i le fa'anofotupu a Joseph Suāli'i.

21 Tesema 2022.

Joseph Suali'i (Toa Samoa Superstar)

O le taeao o le Aso Lulu 21 o Tesema 2022 na fa'atasi atu ai le pulega o le lakapi liki a Samoa e tau'a'ao le latou fesoasoani mo le tapenaga o le fa'anofotupu a le susuga ia Joseph Suali'i lea e fa'amoemoe e faia i le nei masina i ona aiga i Satitoa ma Letogo.

O le afioga i le Peresetene o le Lakapi Liki a Samoa ia Su'a Fa'afouina Su'a na lauga e tau'a'ao le fesoasoani lenei i le 'aiga o Joseph Suali'i.

Su'a Fa'afouina Su'a (Peresitene Lakapi Liki Samoa)

O la'ei o le saofa'i, toga ma le seleni e $5000 tala Samoa na ma'au iai le Lakapi Liki Samoa e fesoasoani ai i le tapenaga o le fa'anofotupu a le susuga ia Joseph Suali'i.

Na tali faitau le susuga i le fa'afeagaiga o le tama matua a Joseph Suali'i e fa'afetai le agalelei ma le fesoasoani a le Lakapi Liki Samoa i le fa'amoemoe o le Atali'i.

E le'i mautinoa le suafa o le 'a fa'asuafaina ai le ali'i o Joseph i le nei masina.