top of page

Filifilia le Ofisa Sili fou a le Matagaluega o Aoga.

Novema 30, 2022


Aeau Christopher Hazelman

Ua fa’amaonia e le Kapeneta i le asō le filifilia ai o le afioga iā Aeau Christopher Hazelman ma Ofisa Sili o Pulega mo le Matāgaluega o ‘Āoga, Ta’aloga ma Aganu’u (M.E.S.C.) mo le 3 tausaga.


E lē fou i le afioga ia Aeau le tulaga tau i aoaoga e pei ona sa galue ai i le tele o tausaga i lenei matatā.


E 13 tausaga o ia tau’aveina tofiga o le Pule Fa’atonu mo A’oa’oga a le Ekalesia Katoliko amata mai le 2013 se’ia o’o mai i le 2016.


O le tausaga e 2013 na tofia ai Aeau ma faauluuluga o aoga a le Ekalesia Katoliko i Samoa seia oo mai i le tausaga e 2016.


"Sa mua’i galue o se fai’āoga, o se Sui Pule ‘Āoga fa’apea ai ma le tofiga Pule ‘Āoga i ‘Āoga Mauāluluga a le Ekalesia Katoliko. Sa avea fo’i o ia ma Ta’ita’ifono mo le Iunivesite Aoao o Samoa (N.U.S.) mai le 2014 se’ia o’o mai i le tausaga e 2021. " tusia i le pepa o faamatalaga mai i le ofisa Sooupu a le mālō.


O Aeau o lo’o ia umia fa’ailoga tauāloa o le Post Graduate Certificate in Education ma le Bachelor of Arts mai le Iunivesite o le Pasefika i Saute (U.S.P.) i le tausaga e 1993.

967 views

Comments


bottom of page