top of page

Foa'i tagata faigaluega o galuega fa'avaitaimi a Poutasi Falealili i nisi o fa'alapotopotoga tumaoti



E tusa ma le $3000 tala tupe Amerika le fa'atupega o se foa'i o mea'ai ma seleni, na tau'a'ao atu e le asosi o tagata faigaluega i galuega fa'avaitaimi mai i Poutasi Falealili i fa'alapotopotoga tuma'oti o lo'o feagai ma galuega fesoasoani i le mamalu o le atunuu.


O le fa'alapotopotoga o le To'omaga mo e o Puapuagatia, Goshen Trust i Moamoa ma le Mapuifagalele i Vailele, na fa'amanuiaina i le fesoasoani.


Saunoa le sui fa'avae o lea asosi le afioga ia Tuatagaloa Joe Annandale, o se taimi muamua lenei ua latou fa'atino ma fa'ataunuuina ai nei fa'amaite ma e iai le fa'amoemoe e leo se taimi muamua lenei o le 'a fa'ataunu'uina ai.


O Poutasi Falealili, o se tasi nei o Itumalo e malosi lava le taumafai i atina'e mo manuia o taganuu aemaise o lenei polokalame mo galuega fa'avaitaimi i atunu'u e pei o Niu Sila ma Samoa, ae o lo'o taulamua ai le afioga ia Tuatagaloa Joe Annandale.


Na maualuga le agaga fa'afetai a sui o fa'alapotopotoga nei, ona o le a'e o se tofa i le Asosi lenei mo tagata faigaluega i Galuega Fa'avaitaimi a Falealili e afea ai a latou 'au'aunaga.


Comments


bottom of page