12 Oketopa 2022
Ua galulue fa'atasi nei le Ofisa o leoleo a Samoa ma le Ofisa o Tagata maimoa mai fafo il e mata'ituina o le saogalemu o tagata tafafao mai i Samoa a'o tu lata atu ai ile fa'amanatuina o Aso fiafia o lenei tausaga 2022.
I le Aso Faraile 7 o Oketopa 2022 na feiloa'i ai le 'au tusitala, ole ofisa o leoleo ma le Ofisa o Tagata tafafao maimoa mai ina ia fa'amalamalama nisi o mataupu ua i lima nei o leoleo male ofisa o Tagata maimoa mai.
O se tasi o mataupu ol e tama'ita'i o Meghan mai Niu Sila na malaga mai e tafafao mai ma lona toalua ma lona aiga i Samoa ae osofa'i ai e se tasi o ali'i i totonu ole taulaga a'o feagai ma savaliga ole afiafi ole Aso Sa 2 o Oketopa 2022.
O le ato o lo'o iai le ato tupe ma telefoni na fao e le alii e igoa ia Silao Leleiga ma olea na logoina ai loa le ofisa o Turisi le faletalimalo na api ai lenei ulugali'i mulimuli ane faaulu le tagi a le tina ile ofisa o Leoleo.
Ole alii o Silao Leleiga na faailoa e le ofisa o leoleo, sa loka muamua ma e faafitu foi na loka ile falepuipui ona o nisi lava o soligatulafono e pei ole talepe fale, faaoo lima ma ma gaoi.
Ua fautuaina ai e le ofisa o leoleo le mamalu ole atunuu ina ia fa'apena ona mataitu tagata e manaomia le fesoasoani aemaise lava i turisi ma ia tatau foi ona mataala i tagata faapenei faia nei amioga.
I le galuega fai faatasi ai ale Matagaluega o leoleo male ofisa o Tagata Maimoa mai, ua silasila ai nisi o vaega e mataitu ai le saogalemu o tagata ole atunuu i le taulaga aemaise ai foi o tagata oloo malaga mai ma tafafao i Samoa.
O le popolega ale Ofisa o Tagata Tafafao maimoa mai ole tala'ave o lo'o salalau atu i tuluiga uma o le lalolagi ina ia maua pea le talalelei e tosina mai ai tagata i Samoa.
O se tasi o mataupu o loo fa'agasolo ai pea sailiga ale matagaluega o leoleo, ol e mataupu na mapuna ane i nofoaga na pueina ai le polokalame a Ausetalia ole Survivor ma gaoia ai mea pueata a le au faigaluega aemaise ole faia o amioga mataga e se tasi o alii ise tamaitai ole au faigaluega ale Survivor.
Comments