top of page

Ita i le tilotilo o lana teine i isi tamaloloa o le aulotu ma faaoolima ai.

O se alii mai Amerika Samoa e suafa ia Junior Falefata ua lokaina ma taofia e leoleo i lona faaoolima i lana teine i totonu o se falesa ma le togiina o lona lava tua'ā e faaaogaina ai le ma'a. 


O le aso 29 o Oketopa 2023, na tulai mai ai lea vevesi ma faaoolina ai Junior i lana uō tamaitai i totonu o le falesā ma le faaoomanu'a i lona lava tinā i lea aso.


E $1,000 le tinoitupe ua fa’atonuina e tatau ona totogi e mafai ai ona tatala lē ua molia.


O le itulā e 1pm i le aoauli o lea lava aso na tupu ai lenei vevesi ma valaau ai e le susuga ia Siataga Falefata,o le tinā lea o Junior ma lipoti i leoleo lona faaoolima i lana uō teine a’o latou iai i le falesa. 


I le lipoti a le Samoa News i Amerika Samoa e fa'apea,

"Na agai atu ai loa leoleo i le fale o le aiga o Falefata, lea na talanoa ai ma le teine a le ua molia.  Sa faamatala e le uo teine e faapea, a’o latou i totonu o le falesa, na tu’i ai e le ua molia, ia lona ulu ma sulu atu ai i le tina a le ua molia, lea na saofai i ona autafa.  "


O le ita o le alii o Junior Falefata ina ua maua atu i lana vaai le tilotilo solo o lana teine i isi tamaloloa o le Ekalesia, na mafua ai ona lē fiafia ma faaoolima ai i le tamaitai.

Na savali i fafo le taule'ale'a ua molia, na mulimuli ai ma lona tinā ma fesili iai pe iai se mea ua tupu, aepeitai na tago ane Junior ma uu le ma'a ae togi i lona tinā, na misi le togi ma tau ai i le taavale.



E lē fou faaoogalima a le nej alii, e peu ona faailoa i le lipoti a le Samoa news. "Sa faamatala foi e le uo teine i l eoleo, o le aso 28 o Oketopa, 2023, a’o la iai ma le ua molia i totonu o le la potu, na masalosalo ai le tama lenei i le teine ma toe faaoolima ai foi ia te ia.  Sa faamatala e le uo teine a Falefata, na amata sauaina mai lava o ia e le ua molia, mai i le tausaga e 2022 ma ua ia toe salamo i lona fa’auo atu iai.



Sa faatalanoaina foi e leoleo le tina o le ua molia ma sa ia faamaonia faamatalaga a le uo teine a lana tama, ma ia faapea atu i leoleo, o lana tama o se tagata fua tele ma e le o se taimi muamua lenei ua faia ai se mea faapea i lana uo teine.


Sa faamatala foi e matua o le ua molia, i leoleo, o le a logoina atu le ofisa o leoleo, pe a toe fo’i ifo le ua molia, i le fale.  Ae na ave e leoleo ia le uo teine ma si ona alo e 6 tausaga i le vaega a le Social Service, ma aveina atu ai i la’ua i le nofoaiga o sulufaiga.


O loo faaauau pea le suesueina o lea mataupu i le Tulāfono a Amerika Samoa.

13,100 views

コメント


bottom of page