top of page

Loka i Tanumalala le matai ona o moliaga o le 'umia o se au'upega mata'utia,talia ai le faamasinoga.



E 12 matai ma taulele'a mai i le afioaga o Lefagaoalii ua molia nei i le tulafono ona o le taupulepule ma le auai e ave faamalosi le isi tagata, o le faaoolima ma le umia o aupega matautia.


Fa'amaonia e le Mataaluega o Leoleo e toasefulutasi ua tatala i tua e faatali ai le aso 3 o Oketopa e tula'i ai i luma o le fa'amasinoga i le vala'auga muamua.


Ua fa'amaonia fo'i e iai le matai e to'atasi ua lokaina ma taofia e leoleo i le falepuipui tanumalala ona o tu'ua'iga i le taumafai e fa'ao'o le oti e fa'aaogaina ai se au'upega mata'utia o le aga'ese, ma o lona moliaga fo'i o le umia o se au'upega mata'utia.


O le aso 25 e vala'au ai le mata'upu a le matai lenei o lo'o taofia i Tanumalala.


O se ata na pu'eina e se tagata lava o le nu'u lea na liki ane i upega o fa'amatala ma iloa ai le gaioiga a matai ma taulele'a o le nu'u o Lefagaoali'i i le tama ma fa'aupuga lafo a se tasi o matai ina ia fa'ao'o iai le sala i lea tama.


O se mata'upu ua fa'aalia ai finagalo o le atunuu ma ua fa'ailoa fo'i e leoleo le ma'ale'ale o lea ituaiga mata'upu ma o le 'a augofie lava le matagaluega e fa'atino le galuega ia tusa ai ma ala o le tulafono.


O lo'o taofia pea le tama na afia i le falema'i ona o le tuga o ona manu'aga.


1,285 views

1 Comment


O le Faifeau a le ki akoa o le mea lea ga kupu...sa tatau lava ia te ia le auauna ale Ali'i na te fa'atalosaga le finagalo o le nu'u ina ia taofia ia ituaiga fa'aanamua ma tineia ia itu ma aga fa'apaupau. Tatalo i le Atua ia aumai se filemu i loto ma agaga o tagata ua 'a'afia ia faiga fa'akomenisi.

Like
bottom of page