top of page

Manatua pea le tautua a George a'o avea ma Minisita o Fa'amasinoga.



O le vaiaso ua tuana'i, na lagomau ai se tasi o tamali'i ua loa lona soifua tautua ia Samoa e le gata o lana tautua sa fai i upu o Malo ae o lona soifua auauna e tauala i ana pisinisi i Samoa ma atunuu i fafo.


O le susuga ia George Michael Lober, o se tamalii faipisini e iloa e tagata i ona uiga alofa, filemu ma finau.


O le Aso To'ona'i na fa'ataunu'uina ai ona toe sauniga i le malumalu o le Ekalesia Katoliko i Lepea, sa aua le le Palemia ma le faigamalo i ona toe sauniga.


O le molimau autu na fofogaina lea e le tamaitai Palemia ia Fiame Dr Naomi Mata'afa, o le soifua tautua i le malo na fofogaina lava e le Palemia.


Na ulua'i ulufale le afioga ia George i le Palemene o Samoa i le tausaga e 1979-1982 i le paea'iga lona 7, na toe filifilia George i le tausaga e 1985 i le 1988 i le nofoa mo tagata palota ta'ito'atasi. O le tausaga fo'i lea na filifilia ai George e avea ma Minisita o Fa'amasinoga ma Leipa(Minisitry of Justice and Labour), i le kapeneta a le afioga i le Aloali'i ia Va'ai Kolone.


I le saunoaga a le tamaita'i Palemia, o lo'o i fa'amaumauga a le Palemene le lauga fa'ataupou a George i lea tausaga; na ia saunoa ai i mata'upu e pei o le si'itia lea o totogi mo tagata faigaluega uma, finauina o ni ele'ele e galulue ai tagata o lo'o nonofo i le talafatai o Apia po'o le taulaga, finauina o ni avanoa mo nonogatupe a tagatanu'u e fausia ai maota ma laoa aemaise o mata'upu i feso'otaiga ma telefoni.


E tele ni matati'a, na ausia e George a'o avea ma Minisita o le Fa'amasinoga, e pei o le si'itia o galuega a le Fa'amasinoga, fa'apea le va'aia lele o tagata faigaluega e legata i le malo aemaise o pisinisi tumaoti i le atunu'u.


O ia matati'a na ausia e George, o lea lava na molimauina lana finau e ala i ana pisinisi na mafai ona maua ai avanoa o tagata Samoa e faigaluega ai ma maua tupe aua tausiga o aiga.

O le afioga ia George, o le pule lea o Pisinisi o Mea Faufale a le SMI i Samoa aemaise o Niu Sila.


201 views

Comments


bottom of page