top of page

Manuia le ta'aloga muamua a le au soka a Samoa.



O lea ua fa'agasolo le ta'amilosaga soka o lo' fa'atinoina i Niu Sila lea olo'o auai atu ai le au soka a ali'i fa'apea ai ma tama'ita'i, ua maea le ta'aloga muamua a le 'au soka a Samoa mo tama'ita'i e i lalo o le 16 tausaga le matutua lea sa ta'aalo ai ma le 'au a Papua New Guinea i le amataga o le vaiaso nei ma manumalo ai i 'ai e 11 i le leai ai o se 'ai na ausia e Papua New Guinea.


O le aso tofi o le vaiaso lenei aso 20 o le masina o Iuni 2024 lea ua fa'atulaga mai ai le ta'aloga lona lua mo le 'au a Samoa o le a ta'aalo ai ma le 'au a Amerika Samoa.


E to'a 4 alo tama'ita'i a Samoa lava ia sa mafai ona filifilia atu i totonu o Samoa e pei ona iai ta'amilosaga sa fa'atinoina e le Asosi Soka a Samoa ua mafai ona auai atu i le tu'u fa'atasia o le 'au a Samoa mo lea ta'amilosaga ae o le to'atele o le 'au o lo'o filifilia mai i tama'ita'i olo'io ta'aalo i kalapu fa'avaomalo i atunu'u i fafo.


O lo'o fa'agasolo ta'aloga uma o lenei ta'amilosaga i totonu o le malae ta'alo o Ngahue Reserve Field 1 i Aukilani i Niu Sila, ma o le a tapunia ma fa'amaea lea ta'amilosaga i le aso 20 o le masina lenei.

41 views

Kommentare


bottom of page