Port Moresby, Papua - Na manumalo le au lakapi liki a Tamaitai, le au o le atunuʻu, o le Fetu Samoa ia Fiti Bulikula i le 26-12.
O lenei taaloga lea na faia nei i le aoauli i le Santos National Football Stadium i Port Moresby i Papua.
O se taʻaloga na vaaia ai le finau uma o itu e lua, sa muamua tau ai Fiti i le amataga lava o le afa muamua, tali e Fetu Samoa i sikoa e tolu mai ia Lindsay Tui, Taylor Mapusua ma Annetta-Claudia Nu'uausala a lei taina le afa.
Amata le afa lona lua, i le toe sikoa o le uigi ia Lindsay Tui i le tulimanu, tulai mai ai o le taʻaloga, 20 Samoa i le 4 o Fiti, toe finau mai Fiti i le 20 minute o totoe o le taaloga i latou sikoa e 2 sosoʻo, ae o le toe sikoa o Taylor Mapusua mo Samoa na fa'amaufa'ailogaina ai le malo le Fetu Samoa 26 - 12.
O se taimi muamua lea ua taaalo ai au liki o teine mai Samoa ma Fiti.