Manumalo Fiti ia Georgia 17 - 12

Toetiti lava faaletonu Fiti ia Georgia i le taeao nei, ina ua latou manumalo i ai 17 i le 12 a Georgia. O se taaloga e leʻi tuʻu mamaina e Georgia, ua latou o lava ma le loto atoa e manumalo ia Fiti.

Sa sili ai a Georgia i le afa muamua, ae peitai e leʻi mafai e Georgia ona taofia le toe osofaiga malosi a le au a Fiti i le afa lona lua.

E ui na manumalo Fiti i le latou taaloga ma Georgia, e lei ausia e Fiti se ai faaopopo poʻo le bonus point sa moʻomia, i le fa'amautinoaina lea o latou avanoa i le quater final. Ae o loʻo maua pea le avanoa o Fiti e tuli le ai faaopopo i latou taaloga ma Portugal o loʻo sosoo.

Ae paga lea mo le au o Georgia, ua mautinoa lava ua leai se avanoa o latou mo le finals o le ipu o le Lalolagi.