top of page

Maua avanoa e maketi ai le ano a Samoa i Amerika.

3 Oketopa 22

Ua aloa'ia nei fa'atulafono e le vaega o atina'e fa'ato'aga a Amerika le 'auina atu ma le fa'atauina atu lea o le la'au o le ano (tumeric) mai Samoa.


O le ano (tumeric) o se tasi lea o lā'au lauiloa i Initia i le kukaina ole kale(curry) ae ‘o se lā'au ua fa'aogaina mo vai fa'atupu mālosi ma puipui mai ai tagata i fa'ama'i ese'ese lē pipisi ma fa'ama'i pipisi.


I le fonotaga a le malo o Amerika ma atunu’u o le Pasefika i le vaiaso na te'a nei na fa'ailoa ai 'e le vaega o Manu ma Lā'au, o le 'auina ma le fa'atauina atu o le a'a ole ano(tumeric rhizomes) ma ona lālā(stems) o se tasi o vaega o lo'o laualuga i sa’iliga ma su'esu'ega a le itūtino mo le saogalemu o meaola ma manu i Amerika ‘ona ‘o le puipuiga lea mai i manu ma iniseti fa’a- lafuā e ono a'afia ai lā'au.


O lo'o ua mana'omia ai le asiasi ma va'ili lelei ia tūlaga ‘ele vaega o Puipuiga i la'au i lo tatou atunu’u o Samoa ma ia mautinoa ai le saogalemu o nei 'oa fa'alenatura mo le 'auina atu lea i Amerika, ma 'ia tatau ona tu'uina atu se pepa fa'ataga aloa'ia e silafia ai ua pasia le su'ega fa'aāsu o nei la'au ma 'ia mautinoa fo'i ona toe siaki i nofoaga ole'ā taunu’u ai i uafu i Amerika.


O le lā'au ole ano e tele ina ola i tua maota ma laoa o le atunu’u, e fa'aāogaina e nisi e fai ai le lega ‘auā mea'ai (tumeric powder) aemaise o vai mo togafitiga.


127 views
bottom of page