top of page

Maua e leoleo le tino o se talavou 24 i le sami.

7 Ianuari 2023.



A'o amata ai le folauga a Samoa i le tausaga fou lenei 2023, ua molimauina le tula'i mai ai pea o fa'alavelave ua a'afia ai soifua o le atunu'u.


O se tasi o nei fa'alavelave o le tino o se ali'i talavou e 24 tausaga le matua o Sapulu Salelologa i Savai'i, lea na maua e se vaega māulu a le ofisa o leoleo i le taeao o le Aso To'onai 7 o Ianuari 2023.


O le Aso Tofi 5 Ianuari na misia mai ai lenei talavou i lona aiga i Salelologa.


I se pepa o faamatalaga ua fa'ailoa mai ai le fa'agasolo ai o suesuega a le ofisa o leoleo e tusa ai o lenei mataupu.


Ua aumai ai foi fa'a fautuaga e le Ofisa o leoleo i le mamalu o le atunu'u ina ia mataituina le saogalemu mo faigafaiva ona o tulaga fa'aletonu o lo'o iai tala o le tau.


I le amataga o lenei tausaga ua fa'amauina ai le agai malie i luga o fuainumera o fa'alavelave tutupu fa'afuasei ma soligatulafono e fano ai ola.


E momoli atu fa'amaisega ma fa'amafanafanaga i le aiga fa'anoanoa o lenei talavou.

4,334 views

Comments


bottom of page