25 Novema 2022
O le Aso Faraile 18 o Novema 2022 na tu'uina atu ai e le faletupe a le A.N.Z se tagi e fa'asaga i se tasi o tama'ita'i e 38 tausaga le matua o Sato'alepai ma Nu'u Fou.
O le tina lenei na ia to'esea se seleni mai i le faletupe a'o avea ma tagata faigaluega a le A.N.Z, saunoa le sui Komesina a le Matagaluega o Leoleo ia Papali'i Monalisa Keti; e le'i fa'ailoaina atu i lenei tusi se aofa'iga o le tupe na ave'esea fa'agaoi e lenei tama'ita'i.
Ae i fa'amaumauga a leoleo ia latou'esu'ega lata mai o lo'o fa'agasolo, e tusa ma le $80,000 le faitau aofa'i o se seleni lea na to'esea mai i le faletupe.
Ua fa'amaonia mai fo'i ua mae'a nei ona fai moliaga e fa'asaga i lenei tama'ita'i; ma o moliaga o le Gaoi a'o avea ma tagata faiagaluega.
O le taimi nei o lo'o ua toe tatala nei i tua ma o lo'o saini i le Ofisa o Leoleo i Apia i Aso Lulu uma se'ia o'o lava i le taimi o lona fa'amasinoga i le Aso 12 o Tesema o le tausaga nei 2022.
O lo'o fa'agasolo pea su'esu'ega a le Matagaluega o leoleo i le vaega o Su'esu'ega Fa'apitoa i lenei mata'upu.
Comments