Ua lipotia ma fa'ailoa e ni isi o 'āiga i le atunuu, le tūlaga agai i luga o soligatulāfono tau gaoi ma le talepe fale i Samoa.
Na lipotia fo'i i le faai'uga o le vaiaso ni isi o soligatulāfono o le gaoi, na osofa'ia ai ni isi o pisinisi e pei o le fale'aiga o le Phat Burger ma le Transam i Malifa.
Ua le gata o le talepe o fale ma gaoia ae o meatōtino e pei foi ona lipotia ai le gaoia o se taavale a se tasino aiga e le taulealea 18 tausaga i Papauta.
Ae peitai, ua aumai foi atugaluga a ni isi o 'āiga i tagata ua maua atu o aoina tagāmea, e pei o tā'ua ai se 'āiga i Lotopā na aoina e se alii le latou tagāmea.
O loo faaauauina pea le mataituina e leoleo o nei itu'āiga o soligatulafono i le atunuu ma e mamafa faasalaga.