Ua luga nei le laulauafono, a le National ma Act i le fa'aitiitia tupe fa'aalu i le fiaselau miliona, aemaise lava i le fa'aitiitia o tagata faigaluega a le malo ina ia feosoasoani lea e ausia ai nei fuafuaga.
I le fa’atalatalanoaga ma le Tusi Tala lauiloa o John Campbell i luga le polokalame Q+A a le TVNZ, na fa’ailoa ai e Polofesa Jonathan Boston mai le Iunivesite o Vitoria le lelei ma le leaga o lea fuafuaga pe a faatino e le malo fou.
E tatau ona faʻaeteete le Malo fou i le latou taumafai lea e faaititia o numera o tagata faigaluega, ae mulimuli ane ua tele atu le tau po'o le selegi e ona toe totogi e le malo i le afaina ai galuega tetele o lo'o faagasolo i le taimi nei e faalelei lea o tama aiga, a'oa'oga ma le soifua maloloina o Niu Sila.
I le vaai o le polofesa, e laititi le aofai o tagata faigaluega a le malo o Niu Sila, pe a faatusa lea ma isi atunu'u, ma e tatau ona vavaai se auala e ono mafai ona faaaoga tagata ia o lo'o ai tomai faapitoa ma o lo'o ai le so'otaga ma tagata lautele e faaauau pea latou galuega.
E ai le talitonuga Polofesa Boston, e ono taunu'u le fa'aitiitia le aofa'i ma auaunaga a le malo i totonu o le isi tolu tausaga. Na ia fa’ailoa e lava auala e mafai ai le National ma Act ona faatonuuina lenei fuafuaga
Faamalolo tumau ae maua le totogi faapitoa (redundancy payout)
Po'o le faamalolo motu e leai se totogi faapitoa
Ua tatau na iai ni sini autu fa’atatau mo tagata faigaluega a le malo, Ia latou nofo mamalama ai ma ia mafai ai ona latou ausia mo lisi 3 tausaga o le paeiga
Ia manatua le Malo fou, o tagata faigaluega o le malo, o tagata nu'u foi o Niu Sila e ai foi latou aia tatau ma e tatau foi ona latou silasila i lea foi itu pe a faatonuuina le latou faamoemoe.