By Lauano Demetrius Ah Mau
O le aso 10 o le masina o Aperila o le a tatala aloaia ai le ta’amilosaga o le World Rugby Pacific Challenge, lea e tali malo ai Samoa. E lua vaiaso lea e faagasolo ai lenei ta’amilosaga e mai lea aso 10 agai I le aso 20 Mati, e fa ‘au o le a tausinio e iai le au a Fiti o Toga, Japan XV fa’apea ai ma le Manuma.
O le faamoemoe o lenei ta’amilosaga e mo le sailia ai o alii taaalo mai le Pasefika e faauluina atu ini polokalame o le atinaeina o le lakapi ma maua ai ni a latou avanoa faakonakarate I kalapu lakapi I atunuu I fafo aua lo latou lumanai manuia. O aiaiga mo au nei e 4 o lea tauva e tatau ona I luga ole 23 tausaga le matutua o alii taaalo e to’a 28 ae o leisi to’alima e tatau ona ova atu male 18 tausaga le matutua.
O ‘au uma foi e tatau ona ta’i tolu taaloga a le ‘au e tasi ma o le ‘au lava e uma ane le faagasologa o le ta’amilosaga o loo sili a latou togi(points) I le aotelega o togi tuufatasi mo au nei e 4, o le au lena o le a avea ma siamupini mo lea taamilosaga. O le au a Fiti lea sa manumalo ma siamupini ai I le taamilosaga o le tausaga ua tuana’i.
O lenei taamilosaga ua mafai ona faataunuuina ona o le faiga paaga a leI uni Lakapi a le Lalolagi(World Rugby) ma le Lakapi Samoa. Na taua e le ofisa sili o le Lakapi Samoa le Afioga ia Faleomavaega Vincent Fepuleai I se pepa o faamagalaga le talia male agaga fiafia e le Lakapi Samoa e tali malo mo lenei taamilosaga, ma na taua foi ua talafeauga lelei le faia mai I eleele o Samoa o lenei taamilosaga ma faamanatu faatasi ai le atoaga o le 100 tausaga o le tautua ma le sao taua o le Lakapi Samoa e ala I le atinaeina ma le faafaileleina o le taleni lakapi I totonu o Samoa.