O le pese masani lea a le mālō, e pese pea ma o lea ua taunuu ma molimauina i galuega faatino.
O le tasi nei o polōketi a le Mālō ua tino mai, o le nofoaga fa'atali va'a i le uafu i Salelologa, Savaii.
O le vaiaso nei, sa asia ai e le Minisitā o Galuega ia Olo Fiti Afoa Vā'ai le motu o Savaii, faatasi ai ma ana Ofisa Sili le nofoaga faatali vaa i Salelologa.
O lea ua māe'a ona faaleleia le nofoaga i totonu e pei ona iai nofoa faamalū ma le TV e nonofo ai le atunuu ma faatali taimi o va'a.
Ua aveese pā u'amea sa iai, ae ua sui i vaaiga fou.
O manulautī faaauau a le Matagaluega o Galuega, ina ia ave le faamuamua i manaoga o le atunuu.
Ua māe'a foi ona faaleleia le uafu i Mulifanua ma tuu foi iai nofoa faamalū ma le TV e maimoa ai le atunuu femalagai i le va o motu.
Ua talafeauga nei tapenaga lelei, ma le tapena ai o Samoa e talimālō i fono o taitai o malō o le taupulega ia Oketopa o le tausaga nei 2024.