Ua fa'agasolo nei su'esu'ega a leoleo i le mata'upu na tula'i mai i lenei aso i le nofoaga e lata ane i le SASNOC i Tuana'imato.
I se molimau fa'atuatuaina o fa'amatala mai, e fa'apea o le ave ta'avale o le ta'avale la'upasese laitiiti(taxi) na osofa'i e se tagata o le pasese e fa'aaogaina ai se aga'ese(tama'i naifi).
Ua fa'amaonia, o lo'o ua auina atu lenei ali'i ave ta'avale la'upasese i le falema'i i Motootua mo togafitiga ae ua fa'agasolo sa'iliga a leoleo e tusa o lenei fa'alavelave.
Na taumafai atu i le Matagaluega o leoleo, ma ua fa'amaonia mai ai le fa'agasolo o su'esu'e fa'aletulafono i lenei mata'upu ogaoga.