top of page

Pa’ulia se va’a fagota i Matautu.

23 Ianuari 2024,



I le malama a’e o le taeao o le aso ua usu’ai fo’i le mamalu o le atunu’u i feau ma galuega ma aga’i atu i le taulaga o Apia, na molimauina ai se va’a fagota mai Saina o lo’o pa’ulia i le talafatai o Matautu lalata ane i ane i le auala sima i Vaisigano.


O le molimau a se ali’i Saina, o se sui o le auva’a mai i lenei va’a fagota, na taumafai le kapeteni e aveese mai le va’a mai i le uafu i Matautu peita’i ane o le sua tutu’i mai o le tai na avea ma tulaga na le mafai ai loa e le kapeteni ona fa’atonutonu le foeuli o le va’a. Na ta mai loa e galu malolosi o le tai le va’a aga’i mai i le matu o lo’o pa’ulia ai, e tusa ma le itula e 12 i le po anapo seia malama mai le taeao o le aso.


O le taimi nei e le’o mautinoa po’o ua iai ni vaega o le va’a ua fa’aletonu ae o lo’o fa’agasolo fo’i suesuega i le mafuaga o le o’o mai ai o lenei va’a i totonu o ogasami ma le uafu tu totonu o le atunu’u.

1,982 views
bottom of page