top of page

Pu'e ma saisai e leoleo le ali'i faomea.

24 Oketopa 2022

Ua maua nei e leoleo le ali’i o Silao Leleiga lea na sa’ilia ina ua ia fa’ao’o lima ma faoa mea totino ‘a se tina na malaga mai Niu Sila e tafao i Sāmoa ma lona ‘aiga.


O le ‘amataga o le māsina lenei o ‘Oketopa na tūla’i mai ai lenei tulaga ‘ina ua osofa’ia e Silao le tinā ia Meghan ma fao ana mea totino, o se ‘ato o lo’o iai le telefoni ma le tupe a’o savalivali lenei tina i le auala tele mo savaliga fa’amālositino ‘ole afiafi.


Na lipoti ane e le faletalimālō na api ai lenei tinā i le ofisa o Turisi ma e fa’apēnā fo’i i le ofisa o leoleo i Apia, ma ‘āmata ai loa gaioiga su’esu’e ‘a le matāgaluega ina ia pu’e ma taofia lenei ali’i solitūlāfono.


I fa’amaumauga lava o lenei ali’i o Silao, o se tagata sa ‘avea muamua ma pagotā ae e le’i leva fo’i ona toe tatala mai tua. Sa loka ma mōlia muamua i moliaga o le faomea, gaoi, fa’ao’olima male talepe fale.


O le itulā e 8pm i le afiafi ole Aso To’ona’i 22 o Oketopa 2022 na pu’eina ai e leoleo i le vaega Su’esu’e o soligā tulāfono (Criminal Investigation Division) i le nu’u o Aleisā.


608 views

Comments


bottom of page