top of page

Saili e leoleo le aveta'avale o le ta'avale na lavea ai se tama'ita'i ma maliu ai i le vaveao nei.

O le vaveao nei o le Aso Sā pe tusa o le itulā e 4:30am i le vaveao na tulai mai ai se faalavelave i le afioga o Vailoa na so'aina ai e le ta'avale se tamaitai e latalata i le nofoaga o loo iai le pamu penisini i Vailoa.


O le itūaiga taavale o loo masalomia o le Hyundai Getz lanu pa'epa'e, ma e le'i māua le numera(number plate) o lea taavale.


Ua faailoa e le Ofisa o leoleo, e oo mai i le taimi nei e lei oo atu se lipoti o le ave taavale sa faafoeina lea taavale na maliu ai se tamaitai.


Ua talosagaina ai le mamalu o le atunuu i soo se isi e na te silafia ni faamatalaga i le taavale ma le avetaavale lea na tupu ai lea faalavelave.


E tulai mai lenei faalavelave o loo ua vevela foi suesuega i le matā'upu o le maliu o le taulealea o Tuuau Faasavalu.


*Momoli atu faamaisega i aiga faanoanoa o lenei tamaitai*

3,640 views

Kommentare


bottom of page