O lea ua fa'amautu ia au mo le quarter final mo le Ipu Lakapi a le Lalolagi 2023, e lua ta'aloga o le a fai i Marseille ma le isi lua i le aai o Saint-Denis. O ta'aloga uma e faia i le fa'ai'uga o le vaiaso nei amata i le Aso To'ona'i, 14 ma le Aso Sa, 15 Oketopa.
O le pokalame lea o taʻaloga mo le vaiaso nei
Aso Toonai, 14 Oketopa
QF1 - 17:00: Uelese v Atenitina - Stade de Marseille
QF2 - 21:00: Aialani v Niu Sila - Stade de France, Saint Denis
Aso Sa, 15 Oketopa
QF3 - 17:00: Egelani v Fiti - Stade de Marseille
QF4 - 21:00: Farani v Aferika i Saute - Stade de France, Saint Denis
Naʻo Fiti ma Niu Sila au mai le Pasefika ua faapea ona sao mai i taʻaloga o pool games i le quarter finals mo Ipu o le Lalolagi o lenei tausaga, naʻo Fiti foi ma Niu Sila au mai le Pasefika ua agavaʻa pe otometi le auai atu i le ipu o le lalolagi i le 2027 e fai i Ausetalia.
O lona uiga o Samoa ma Tonga e ono ta’alo ma isi ‘au e suʻe ai se avanoa i le Ipu o le Lalolagi 2027.
O Au ua maua avanoa mo le Ipu a le Lalolagi 2027
O 'au ia ua faasilasila mai le Iuni Lakapi o le Lalolagi ua agavaa mo le RWC 2027 i Ausetalia o:
Atenitina
Ausetalia
Egelani
Fiti
Farani
Aialani
Italia
Iapani
Niu Sila
Sikotilani
Aferika i Saute
Uelese