Ua fa'amaonia nei e le Ofisa Sili o le Matāgaluega o Pisinisi Alamanuia ma Leipa le si'itaga o totogi maualalo e tauala mai i le Faaiuga a le Kapeneta(FK) i le vaiaso nei.
O lea siitaga ua siitia mai ai i le $3 i le itulā i le $4.84 i le itulā mo soo se tagata faigaluega e galue i pisinisi ma falefaigaluega tūma'oti.
O le aofa'i o le siitaga o le totogi aupito maualalo(minimum wage) mai i le tausaga faaletupe 2024/2025 e $4.84.
O le Aso 1 Iulai 2024, o le 'ā faamamaluina ai le siitaga fou lenei mai i le $3 i le $4 i le itūlā.
Ae o le aso 1 Iulai 2025, o le 'ā toe siitia ai i le $0.84 sene, ona atoa ai lea o le siitaga lenei i le $4.84 i le itulā.
Ua fautuaina ai e le Matagaluega o Pisinisi, Alamanuia ma Leipa le au fai pisinisi, faalapotopotoga ma kamupanī ina ia utagia lea suiga e tusa ai o tulāfono o totogi maualalo ma galuega a le Atunuu.
Comments